Guetar n'esti blogue

jueves, 29 de noviembre de 2012

El Castiellu de Tudela (1ª parte)


    Cuando entamé a escribir sobre les ruines del Castiellu de Tudela, el guardián del valle que-i da nome al mi pueblu, nun me daba cuenta de to'l material que tinía ente les mios manes, asi que, al final, decidí facer dos partes. La primera, la hestórica. La segunda la etnográfica, les hestories y lliendes que d'elli cuerren.

    Fai ya munchos años, siendo yo guaje, cuendu entá nun esistía la carretera que dende Olloniegu xune la autopista cola cuenca'l Nalón, sentáu nel bancu l'apeaderu de Santolaya, vía recortase escontra'l cielu la silueta del Castiellu de Tudela, una muria prieta con un gran gueyu a xeitu ventanal no cimeru. Munches lliendes se cuntaben, munches otres fui atropando colos años nos llibros. Pa mi yera indubiable que aquel picachu erguíu enriba Santianes guardaba un interés que, más ceo más sero llevaríame a percorrer los sos requexos. Ya, en delles vegaes, asina foi.

    El Castiellu de Tudela, arruináu nel sieglu XIV, foi ún de los protagonistes nos socesos hestóricos na Asturies medieval. Consideráu el mayor castiellu asturianu, tantu no que se refier a la estensión de la fortaleza como a la importancia que algamó, viose comprometíu en toles guerres nobiliaries de la dómina, dende les guerres de Gonzalo Pelaez comu a les de los Trastamara, ensin escaecese de les racies del trístemente famosu noble-bandoleru Gonzalo Pelaez de Coalla.

Llienzos de la torre l'homenaxe

    Garrando dende Olloniegu una carreterina de montaña que sube hasta La Mortera llegamos al llugar de La Fócara, na fastera sur del monte conocíu comu picu Castiellu au entá arreches ente la maleza, yérguense les ruines del castiellu de Tudela. Dende esi altor, no que probablemente fuere un asentamientu castreñu, dominábase el camín que xunía'l centru d'Asturies cola meseta. El emplazamientu castreñu primixeniu sedría reutilizáu polos romanes que llevantaríen una estructura
defensiva que yos permitiera controlar, amás de les fértiles vegues del Nalón, la mesma vía La Carisa que trescurría non perlloñe d'ellí. A falta de escavaciones arqueolóxiques series pocu más se pué afirmar, si bien la cercanía de dellos castros catalogaos (Picu Llanza, Cutulapila, etc...) afita esta idega sobro la antigüedá del llugar.

El Castiellu de Tudela vistu dende la cima'l Berrubia

    Lo que si ya ta bien cimentao por fontes bibliográfiques, ye la construcción de un recintu fortificáu nel 854, baxo'l reináu d'Ordoño I, nos primeros tiempos del Reinu d'Asturies, comu baluarte defensivu escontra les incursiones de güestes mores. Col esposigue del reinu asturianu ya'l treslladu de la corte a la nuea ciudá de Ovetum, el castiellu incrementó la so importancia comu guardián de la capital del reinu, polo que foi reconstruyíu por Alfonso III. A midía que la reconquista foi sumando territorios a los reis asturianos primero y llioneses dempués, el castiellu foi perdiendo la so importancia defensiva, polo que la so propiedá, hasta entós real, foi cedía a la nobleza local, que los emplegaría comu centros alministrativos ya de control de los territorios. Asina foi comu esta fortaleza, xunto a otres munches asturianes (Alba de Quirós, Proaza, Buanga, Gauzón, Alesga...) terminaren nos entamos del sieglu XII en manes de Gonzalo Peláiz, Potestas ya Alferez del rei Alfonsu VII, escontra'l cual llevantose n'armes tres vegaes. Na primer d'estes guerres nobiliaries, tropes de don Gonzalo Peláiz foron sitiaes nel castiellu Tudela, que a la fin hebo de entregase al exércitu del Rei llionés. Corría l'añu 1132. Durante cincu años más, con delles tregües en mediu, continuaron les lluches ente'l noble asturianu ya'l rei de Llión, lluches nes que'l castiellu Tudela, unes vegaes en manes de les güestes de Gonzalo Peláiz ya otres nes del conde Suero Bermudiz (el brazu executor de les órdenes del Rei n'Asturies).

Ente la maleza albídrense restos de les construcciones que formaben la ciudadela o cuerpu principal del castiellu.

    Finaes les revueltes de Gonzalo Peláiz, en 1145 el castiellu foi entregáu al obispáu d'Uviéu col envís de debilitar a la nobleza feudal tan proclive a los llevantamientos y les lluches ente ellos mesmos. Xunto col control de la fortaleza se-i entregaren a la Ilesia de San Salvador el control de los territorios asina comu'l cobru de drechos de portalgu na ponte Olloniegu, nel camín de Castiella, puerta cabezalera a la ciudá d'Uviéu. Lo importante de la situación del castiellu asina como les lluches que ente'l cabildu uvieín calteniénse col poder real fixeren que los primeros dexaren la fortificación en manes de castellanes comu Gonzálo Pelaez de Coalla, arquetipu de noble bandoleru que, desque el mesmu castiellu, asaltaba los mercaderes que cruciaben el camín de Castiella, causando grave perxuiciu a vecinos y comerciantes. Avasallaos, en 1316, los vecinos decidieron acudir al cabezaleru de los nobles asturianos, don Rodrigo Alvarez de las Asturias, pa que intercediera ante'l obispáu pa pone-i fin a tantu desmán, llegando el noble a recibir orde del rei pa pone-i sitiu al castiellu ya echalu abaxu.

Somorguiáu ente matos y árboles, señalando al cielu, les muries del turruxón del castiellu.

    ...legó y Apparicio Pérez, personero del conçello de Oviedo et otros ommes bonos de y de la villa con él. Et dixeron que don Alfonso Peláiz, archidiano de Grado, et Iohán Iohannis et Alfonso Pérez et Pero Ferrández, canónigos de la dicha yglesia, foran a la yglesia de Santo Tysso et dixeran... que el castiello de Tudela yera del Cabildo de la yglesia de Oviedo, et quellos fezieran creyente que don Rodrigo Álvarez que lo tenía cercado, que pedira al conçello de Oviedo et a los juyzes que lli diessen los fierros et las cuerdas del engenno que dizían que tenían pora fazer mal en el castiello et depennarlo. Et que dizían et afrontaran a los juyzes et a los ommes bonos de la villa que y seyan de parte del deán et del cabildo, por la hermandat et vezindat que con ellos avían, que non diessen fierros nin cuerdas nin otra cosa pora fazer mal en el so castiello...

    Et lo dicho perssonero del conçello dixo al deán et al cabildo... que poys se ellos paravan en que el castiello de Tudela yera so, que feziessen emendar et corregir las malfetrías que los vezinos de Oviedo rescebían de los quel dicho castiello tovieran desque ora fora poblado. Et que daquí adelantre metiessen y guarda en guisa que se non feziesen dél más malfetrías. Et fizo luego leer un scripto, fecho en esta manera:

    Iohán Iohánniz de Tras Sasso querellando dixo que yendo so fillo Diego pora tierra de León esti viernes ha trelze días, que en llegando al Padrón que salió del castiello de Tudela Fernán Alfonso de Moredo con otros dos omnes, et lli tomara quinze maravedís en dineros et un tornés del rey, et una mealla de plata et una esquierpa, et lo ferió quanto él quiso, et que se tornó luego al castiello.

    Iten Iohán Pérez, carnicero, gienrro de Fernán Domínguez, dixo que él tenía un cueyro en Loredo, que yera a cerca de Mieres, et que legó y Fernán Alfonso sobredicho et otros ocho con él esti día sobredicho, et que tomaron el dicho cueyro, et lo espedaçaron pora avarcas, et se collieron al castiello...

Un de los fosos colmataos que rodien les estructures superiores del castiellu.

     Pesie a la amenza real por destruyir el castiellu, finalmente el obispáu llogró caltener le control del mesmu comprometiéndose a finar colos desmanes de les sos tropes. Asina, entraría tranquilamente el Castiellu de Tudela nel sieglu XIV. N'esti sieglu la fortaleza tornó a vese involucrada nes lluches nobiliaries tres la muerte del rei Alfonso XI. Enrique de Trastamara, fíu illexítimu del Rei, acoyíu ya educáu pol citáu Rodrigo Alvarez de las Asturias, alzose en armes escontra'l so herman, Pedro I, coronáu rei de Castiella. La llucha foi llarga, resultando a la fin vencedor Enrique de Trastamara, coronándose rei comu Enrique II. El so fiu, Juan I de Castiella pasaría a la hestoria del castiellu de Tudela al ordenar en 1383 la demolición de la fortificación, quiciaes col enfotu de privar a los nobles del llugar de puntos fuertes nos que nun momentu dau pudieren da-i griesca. Dende entós, el castiellu vieno pocu a pocu cayendo nel escaezu, perviviendo namás que nel maxín popular de la zona en forma cuentos y lleendes.

    Más de 600 años dempués, al aportar al llugarín de La Fócara. Dende equí pueden observase nidiamente la esistencia de tres aniellos defensivos, fosos y contrafosos, colmataos en gran midía polos mesmos escombros del castiellu y la vexetación, dando llugar a pequeñas terraces de yerba verde nes que pacen, ayenes a la Hestoria que yos rodea, les vaques del caseríu prósimu. Asina mesmo, ente los mesmos praos pindios que rodian el picachu albídrase una pequeña muria semienterrá ente la vexetación, que sedríen restos de la muralla principal que defendia'l recintu. Más arriba, somorguiaos ente un mar de escayos y yedra, atopense dellos restos de llienzos, fechos de cantos ya argamasa, de lo que nel so tiempu fuere'l cuerpu principal, la ciudadela ya la torre del homenaxe. D'esta queda en pie un llienzu con unos cincu o seis metros d'altor na que destaca un gueyu, quiciaes los restos d'una saetera o una puerta destruyía. Comu ya se dixo, a falta de escavaciones sistemátiques, en ciertos llabores someros realizaos pa la catalogación del yacimientu, recuperaronse dellos preseos de fierru de dómina medieval (una foceta, un colgante, puntes de dardos, etc) asina comu restos de cerámiques, teyes y tégules ya molinos de manu.

Restos del primer aniellu de muries del castiellu.

    Más de 600 años dempués, durmiendo el suañu del escaezu, el castiellu de Tudela suaña con tornar a ser un migayín de lo que foi, de dexar de ser sólu un recuerdu na memoria del pueblu, una cita nes fontes bibliográfiques mas antigües, un cuentu pa neños nun llibru de lleendes asturianes. Bien merez que tornemos la vista allí arriba y, dalgún día, se pongan los medios pa rescatalu del pozu nel que descansa y sacar a la llus los secretos que, a bon xuru, entá guarda ente les sos muries. La fortificación más grande y más importante de la Asturies medieval, el Castiellu de Tudela, nun debe dexase morrer.

Colgante o adornu de bronce atopáu nel castiellu Tudela

domingo, 18 de noviembre de 2012

El chofer de "El Caleyu"

     El cielo encapotado amenazaba con soltar su carga de orbayu sobre los tejados de la villa de Avilés. Desde el balcón del Ayuntamiento las más altas autoridades del Consejo Soberano escudriñaban las alturas, unos buscando indicios de lluvia que udiera deslucirel desfile previsto y otros temerosos de que hiciese acto de presencia la temida aviación fascista, reina absoluta de los cielos ante la cual nada podían hacer los escasos aparatos que aún servían bajo la enseña tricolor. Multitud de vecinos ocupaban los soportales esperando ver el pasar de los milicianos, los heroes del frente oriental, que tan encarnizadamente resistieron las embestidas de las brigadas navarras, los regulares y la legión Condor. Las brigadas de Carrocera y Manolín Alvarez.

     Desde el Ayuntamiento, engalanado con banderas tricolores, Belarmino Tomás, escoltado por los principales mandos militares del Ejército Popular de Asturias, Prada, Galán, Ibarrola y Ciutat observaba el paso de las primeras unidades. La población, observaba el desfilar con paso firmes de aquellos hombres que, en el último mes, habían disputado monte a monte todo el oriente asturiano. Los mismos milicianos que defendieron Covadonga hasta el final. Hombres jóvenes en su mayoría, curtidos por el trabajo y más de un año de guerra. Soldados que aprendieron a luchar desde las mismas trincheras. Era un orgullo verlos desfilar, pero a nadie se le escapaba que, día tras día, en Avance se hablaba de rectificaciones de líneas, pérdidas de poblaciones, ataques nocturnos y retiradas que le costaban numerosísimas bajas al enemigo pero retiradas al fin y al cabo. Ya nadie creía que el frente asturiano resistiera. La aviación de la Cruz de San Andrés era dueña del cielo y en la mar, acechando los puertos se veían los buques de guerra nacionales navegando sin oposición. Bilbao, Santander. Estaban sólos y Madrid quedaba muy lejos. Todo era cuestión de tiempo.

     Algunas de las unidades que desfilaban no habían tomado parte activa en los combates del oriente. Ocupadas en funciones de retaguardia o retenidas en el cerco a Oviedo habían pasado la mayor parte del último año inmersas en una guerra de trincheras sólo rota por ocasionales ofensivas mal planificadas y mal ejecutadas que no servían para otra cosa que consumir los escasos recursos y castigar los maltrechos batallones sin obtener a cambio mayores beneficios estratégicos que algún pequeño monte o loma a la que trasladar nuevas trincheras. Entre estas unidades figuraban los blindados del batallón de Carros de Asalto. Uno de ellos, un "tiznao", un extraño artefacto de acero montado sobre el chasis de un camión fruto de la imaginación de los trabajadores de algún taller, de nombre Avelino Alonso "el Caleyu". A bordo, entre su numerosa dotación, Manuel González Costales conducía el blindado por las calles abarrotadas de civiles y milicianos, acostumbrado ya, tras muchos meses de práctica, a su 'especial' maniobrabilidad. 
Dotación del blindado "El Caleyu". Manuel González Costales es el 2º por la derecha

     Agobiados por el calor y la humedad que se condensaba dentro, se mantenían abiertas todas las puertas y troneras. A través de ellas, con sus ojos buscaba entre las filas de soldados homenajeados a uno de sus hermanos menores, Corsino, un sargento del batallón 237 "Piloña" de la brigada de Manolín Alvarez. Suponía que el también lo buscaría con la mirada cuando se cruzaran.

     A la vista de los miliciano recordó Manuel el mes de Julio del pasado año cuando, tras llegar las noticias del alzamiento del Ejército de Africa, siguiendo las consignas de la C.N.T. en la que llevaba años militando, se presentó voluntario para tomar parte en la toma de los cuarteles gijoneses. Apenas habían pasado dos días cuando ya estaba encuadrado entre las milicias que, desorganizadas y con más entusiasmo que medios, mantenían asediados a las tropas sublevadas de los cuarteles del Coto y de Simancas. Fueron días duros, en los que se combatía siguiendo más la propia iniciativa que obedeciendo a un esfuerzo común. Recordaba los bombardeos casi diarios del Cervera, el "chulo del Cantábrico" que, sin apenas oposición, bombardeaba Gijón en defensa de los sitiados.

     Recordaba aquellos días en los que la fé en el triumfo era imparable. Cayó el Coto, cayó Simancas. Oviedo costaría más pero estaba al alcance de la mano. Chofer de profesión no tardó en encontrarse al volante de los primeros camiones blindados, encuadrado en la 1ª Cía 1ª Sección del Batallón de Carros de Asalto. Trastos apresuradamente recubiertos de planchas que se untaban de grasa para que las balas resbalasen. Al principio parecían funcionar pero en cuanto la artillería entró en juego pronto fueron presa fácil. No estaban diseñados para el combate, no podían combatir contra posiciones a campo través. Pronto quedaron relegados a unidades de apoyo a la infantería, con una función más de apoyo moral que de soporte efectivo del esfuerzo bélico. Nada que ver con los blindados rusos que llegaron más tarde. Nada que ver con los blindados que tenía el enemigo. También es verdad que nadie sabía como emplearlos. Se desperdigaron por todos los sectores del frente en torno a Oviedo sin llegar nunca a combatir en conjunto, pero eso no era cosa suya, el sólamente era el chofer.

El "Casimiro Velasco" destruido durante la ofensiva contra Oviedo de Noviembre del 36

     Se acordó de aquel otro blindado en el que sirvió, el "Fantasma", un trasto más grande y vulnerable aún que tenía serios problemas para  maniobrar por las estrechas carreteras asturianas. Un a mole de acero que imponía al profano pero que no inquietaba lo más mínimo a un enemigo bien atrincherado y bien armado.
Blindado "Fantasma"

     Las tropas de milicianos seguían desfilando ante el ayuntamiento. Se escuchaban aplausos, vítores, vivas al ejército del pueblo y muerte al fascismo. Seguía sin ver a su hermano entre la multitud.

     Firmemente comprometido con la causa libertaria se acordó de aquel Congreso Nacional de la C.N.T. en Zaragoza, en 1935. Eran más de 10000 delegados. Se acordaba como su hermano, Corsino, le acompañó. Hacía poco que se había afiliado pero ya había conseguido ser elegido como delegado por Gijón de los obreros de su gremio. La República se encontraba en momentos difíciles, con la derecha en el poder intentando sabotear desde dentro el propio sistema. Aún sangraban las heridas del 34 pero en pocos meses habría nuevas lecciones y, agrupadas bajo el Frente Popular, las organizaciones progresistas esperaban recuperar el control del gobierno. No eran tiempos fáciles. Estos tampoco. Ninguno lo fue, como tampoco cuando, aislados del resto de la España Republicana, acudió al Congreso de la C.N.T. para los territorios de Asturias, León y Palencia. Ya por entonces lo fué como delegado del Batallón de Carros de Asalto. Era de los más veteranos de la unidad aunque apenas sobrepasase los 30 años, pero no debía su elección simplemente a la edad. De pequeña estatura aunque fornido, destacaba por su conciencia de clase y su adhesión a los principios libertarios.

     De repente, entre el barullo de la muchedumbre se oyó una explosión. Los civiles comenzaron a correr. Los milicianos tomaron sus armas. El desconcierto se adueñó de todos los presentes. En el ayuntamiento, el Presidente del Consejo Soberano, Belarmino Tomás, sacó su revolver y amenazando al aire comenzó a soltar amenazas. Entre las voces disonantes de la mayoría se le oyó despotricar contra los enemigos del pueblo emboscados, a los cuales no dudaría en castigar. Lo siguiente que se escuchó fue un ruido, familiar, un disparo. Los civiles seguían corriendo en busca de refugio, mezclados con los milicianos. Otro ruido, otro disparo. Después el caos. Los milicianos, con sus armas comenzaron a a brir fuego. En todas partes se veía francotiradores apostados. Los facciosos que durante meses habían vivido escondidos salían detras de cada esquina, detrás de cada ventana, y abrían fuego contra los valerosos hombres que lucharon en las Peñamelleras.
Periódico que recoge la noticia del desfile sin hacer mención al incidente

     No se sabe cuanto duró el combate. Cuando comenzó a reestablecerse el orden muchos cuerpos yacían tendidos por las calles. Algunos eran civiles, otros combatientes. Desde su blindado, con las puertas abiertas, Manuel observaba como se iba acabando todo, como se desintegraba la retaguardia. Un calor húmedo corría por su cuerpo. Era sangre. La suya. Por la herida de la bala amiga le salía la sangre a borbotones y con ella se le iba la vida. No había podido ver a su hermano. Sabía que ya no lo vería. Ni a él, ni a su mujer y su hijo que luchaban la guerra del día a día en Gijón. Aquel 4 de octubre de 1937, para Manuel González Costales, el chofer de "El Caleyu", acabaría la guerra.

Otra imagen del "Caleyu" sin Manuel González Costales
P.S.- No hubo francotirador, no hubo quintacolumnista emboscado. Sólo miedo y nervios a flor de piel. Y una granada poco firme en el correaje de un soldado durante el desfile. Un accidente. La histeria hizo el resto.

martes, 6 de noviembre de 2012

Caleyando poles Peñes del Fontañán



     Dexando atrás esta Asturies Trasmontana nuestra, baxando’l puertu Payares, al suroeste del pueblu de Nocedo de Gordón, llevántense arreches les Peñes del Fontañán, una cordalera de calizu con orientación E-W que llega algamar los 1629 m d’altitú. Una de les estribaciones de la Cordillera, un de les primeres altures que atopamos cuandu, dende Llión, averamonos a tierres astures pola ancestral puerte del Payares.

     Montes cismontanos, nos que abonda’l matu y faise estraña la biesca. Montes duros, ásperos, de cascayu, escoba y piornal. De ñeves, xelaes y airones secos. Un monte distintu a los que pocos kilómetros más al norte, con vexetación bayurosa, montes viciosos, comu  verdes engurries crucien la superficie d’esta tierra. Tarazaos polos ellementos: la ñeve, el xelu ya’l calor que francen la peña, canteres y mines que afonden les entrañes pa sacayos piedra y carbón. Montes distintos, pero cola so propia personalidá. Montes con munchu que ver, con muncha hestoria tarazá a fueu y sudor.

     Sube la pista, pindia, abegosa, coles rodaures afondaes poles lluvies pasaes, cortá na tierra y na roca, dexando nel aire un aire roxu del polvu resecu, arcillosu, y que llevanta’l aire que, secu, fríu, baxa dende los más altos cumales de la Cordillera. Y llegamos al colláu Urdiales, un mayáu a 1500 metros d’altor ente’l picu Rebolleras y el Miezca. Dende equí, a manzorga yérguese el primer monte al que voi subir, el Miezca.

Cumal del Miezca. Al fondu, el Fontañán.

      Montes d’usu ganaderu escasu, nun tienen caleyes que te conduzan a la cima. Xubiendo la pendiente pendirriba, guetando ente yerbes y matos les guelgues dexaes pol ganáu pa facer más llevadera l’ascensión, aportase a la cima, d’orografía más suavina, con presencia de xardones pola fastera norte y pedreros na sur. Entá fai bon tiempu. La vista ye nidia pa un llau y l’otru. A lo fondo, mirando al Sur, albidrase la mesma capital llionesa. Al Norte, les muries d'Asturies.

Panorámica dende'l Miezca. A lo fondo, Asturies


     Nel monte, bien visibles pola escasa vexetación y la ocasional presencia humana, destáquense multitú de restos de lo que hai 75 años yera la línia del frente los puertos. Trincheres, ñeros y parapetos espardios por to’l cumal, y ente les yerbes y los cascayos herrumbrosos pedazos de metralla, restos de proyectiles que un bon día frayaron el monte y, quien sabe cuantes, les vides de milicianos que defendíen el llugar. En Asturies, pesie lo violento de los combates que los fadría más abondosos, los restos rápidamente foron quedando somorguiaos baxo un mantu vexetal, una densa capa d’humus que, aidáu pol agua foi, pocu a pocu, desfaciendolos, borrándolos. Equi eso nun pasa y los restos permanecen al aire, entre les piedres, ocupando quiciaes el mesmu llugar nel que cayeren 75 años atrás.

Trincheres y parapetos nel Miezca
 
     Ente tanta roca, atopamos un vecín percuriosu. Una chicharra, un primu hermanu del grillu de munchu mayor tamañu. Paez tener un aguyón, pero nun ye más que’l ovopositor, l’apéndice que cíncase na tierra pa dexar los güevos bien enterraos. Ye un animal inofensivu y curiosu, concretamente un Pycnogaster sp, una subespecie pocu frecuente y, a menudo, endémica de áreas llimitaes.

Pycnogaster sp o Chicharra
 
     Sigue la cordalera en suave sube y baxa, nun camín que cuerre paralelu a un gran crestón rocosu de calizu asemeyando l’aleta dorsal fosilizá d’un dinosauriu. N’esta parte del camín abonden los xardones. Antes d’algamar el monte cimeru, el Fontañán, que gallardosu amuesase al fondu, pasamos pola Bardera. Equí, nel suelu probe, nos clariones que queden ente la yerba vense los ñeros de un d’esos habitantes del campu que xeneren un miéu, atávicu, nel home, un sentimientu nel que s’amesta el temor y la repulsión, la llienda ya’l desconocimientu. Falo de l’araña llobu, la tarántula primixenia. Esa araña pelona que llevó a los descubridores españoles en América a poneila a cuanta araña xigante veían. Dízse de mortal picadura, más nun ye más peligrosa que la d’una abeya o una avíspa. Dízse que pa esconxurar el poder del so velenu hebía que danciar una danza a la que-i dio nome, la tarantella, y que entá nos bailles asturianos d’anguañu pervive nun de los pasos de la xota, nos que los baillaores paecen asemeyar que pisen a la alimaña al marcar el pasu. Miedosa por ñatura, esta araña nun se suel dexar ver aunque, con un pocu de fortuna y armadinos de pacencia y una cañina, puen sacase del ñeru durante unos segundinos nos que apreciar la so difícill belleza.

Araña Llobu o Tarantula
 
     Arañes al marxe, al pasar pola Bardera entamamos a subir a un pequeñu grupu de picos conocíos como les peñes del Fontañán, de la que esta nun ye más que la cabezalera. Monte ermu, dominante del valle, pedregales espardíos perende, y dellos crestones no cimero. Ente les peñes, mirándo a llevante, albidrase la mano del home. Una muria gris, formigón, con troneres que, amenazantes, llindien el valle. Retayos d’un fortín que al xeitu medieval quería controlar un territoriu y una vía de acesu. Castiellu modernu, llevantáu por aquellos que, incapaces de avanzar, punxeron tol enfotu en non dexalos pasar. Pero pasaron. Grutes barrenaes ente’l calizu, refuxos escontra aviones y obuses, trincheres zigzagueantes comu repuelgos na tierra. Tol cumal foi un fortín y entá güei lo ye pa disfrute del amante de la nuesa hestoria, pa facenos sentir que daqué que paez tan alloñao de nos enta sigui equí, amosando les sos güelgues, pidiéndonos nun escaecer.

Fortificación del Fontañán (Númberu 2)
 
Ñeru del Fontañán (Númberu 3)

Trincheres nel Fontañán (Numberu 1)

     El cielu, pocu a pocu va cubriéndose. Ta inestable, y donde enantes víase la estación ivernal de Payares agora vense ñubes baxar, prietes, cargaes d’agua. Torno pol mesmu camín, triando los mesmos pasos que diere pocu tiempu va, dexando’l Fontañán al llombu, la Bardera y el Miezca, dende esti vese cercanu el picu Siza y el camín que, al traviés del Currichico baxa sele en direición d’Olleros d’Alba. Mas pa poniente, otres cumes que siguen la cordalera camín del puertu d’Aralla: Bustillu, Alticu y Amargones. Cumales con más de 1800 metros d’altor nos que’l friu y el calor foron frayando el calizu, tresformándolos en inmensos pedregales ermos.

Rebolleres, y al fondu Amargones y a la mandrecha el Alticu.

      Tou eso quedará pa otru día. Agora torno pola pista, pendibaxo, baxo el orbayu que entama y que pronto sedrá lluvia torrencial. Voime col corazon engurriáu, triste pola triste hestoria que dexo atras, hestoria de lluches y muerte. Y ye que munchos dexaron la vida ellí, de xuru que si. Y dalgunos siguenla dexando güei. Y alcuérdome de dos horas antes: Un ramín de flores, una placa ente unes peñes, una mocina que, nuna mala cayía, dexó la vida. Trai la fecha. Mayu. Malpenes van unos meses. Quiciaes, comu se dicía del perru que preba la sangre cande, la montaña, cuando la preba, nun la dexa enxamás.

Vista aerea del Fontañá. Vense bien les trincheres en zig-zag.